March 27, 2013
-
誰要賤買你的理想了？
courtesy of Ana Luísa Pinto [Luminous Photography]最近（其實都個幾月之前了）記者朋友的 facebook 瘋傳一篇文章，內容是一個未畢業的傳理大學生大呼傳媒界人工太低令他怕怕，又叫各傳媒公司老闆不要用錢抺殺理想云云。總之文章的結語就是，因為你人工俾得太低，抺殺我所追求的理想，所以我唔入行，完。原文在此
細路仔未入行就呻，當然係死罪一。不過都不排除佢地的師兄師姐平時在 facebook 或者分享時大講呢行人工如何低，耳濡目染。其一可能真係低，其二點都有少少「扮謙」的成分存在，你幾時會見過人在 facebook 又或者分享會上面，話自己人工好高？
我入行三年，唔怕講，人工萬五。話低，大把人畢業三年都低過我；話高，高過我既人亦都有如恆河沙數。老細級果啲六位數唔好講，我先講自己呢幾年聽過既人工故事。
